Սքվոշի Հայկական Ազգային Ֆեդերացիան հանդիսանում է Համաշխարհային Սքվոշի Ֆեդերացիայի (WSF) և Եվրոպայի Սքվոշի Ֆեդերացիայի (ESF) անդամ: Նպատակ ունենալով այս  չափազանց դինամիկ սպորտաձևը զարգացնել Հայաստանում,  հոկտեմբերի 21-23-ը Եվրոպայի սքվոշի ֆեդերացիայի հետ համատեղ (ESF) ”Գրանդ Սպորտ” մարզահամալիրում  անցկացվեց սքվոշ մարզաձևի առաջին պատանեկան բաց առաջնությունը ` “Armenian Junior Open 2016”-ը:

Առաջնությունն անցկացվում էր 3 կատեգորիաներում`

• Girls -U 13 ( մինչև 13 տարեկան աղջիկների կատեգորիա)
• Boys -U 13  ( մինչև 13 տարեկան տղաների կատեգորիա)
• Boys -U 15  (մինչև 15 տարեկան տղաների կատեգորիա)

 

Առաջնության մասնակից պատանիներն ամիսներ շարունակ մարզվել են ”Գրանդ Սպորտ” մարզահամալիրում արհեստավարժ մարզիչների կողմից: Մարզումների ընթացքում, ձեռք բերելով նորանոր տեխնիկական հմտություններ, այժմ պատրաստ են մրցել միմյանց հետ, որը պատանի սքվոշիստներին կհաղորդի մրցակցային ոգի և ամուր կամք:

                    

Հոկտեմբերի 23-ին տեղի կունենա առաջնության եզրափակիչ մրցապայքարը, այնուհետև մարզիկների պարգևատրման արարողությունը:

2011 թ.-ից սկսած յուրաքանչյուր տարի Սքվոշի Հայկական Ազգային ֆեդերացիան կազմակերպում է սքվոշի ամենամյա հայաստանյան առաջնությունը: 2016թ. մայիսի 21-ից 22-ը ”Գրանդ Սպորտ” մարզահամալիրում տեղի ունեցավ Հայաստանի սքվոշի 5-րդ առաջնությունը: Այս տարի տարբեր կատեգորիաներում մրցում էին մինչև 50 մասնակիցներ:

Մարզիկները մրցում էին հետևյալ կատեգորիներում` PRO կարգ, M1 տղամարդկանց կարգ, կանանց կարգ, մանկական 1-ին և 2-րդ կարգեր: PRO կարգում մրցում են Սքվոշի Հայկական Ազգային Ֆեդերացիայի մարզիչները, M1 տղանարդկանց և կանաց կարգերում՝ երկար ժամանակ սքվոշով լրջորեն զբաղվող մարզիկներն էին հանդես գալիս, որոնք վերջին տարիների ընթացքում ամենօրյա մարզումների շնորհիվ, սքվոշը դարձրել են իրենց կենսակերպի անբաժանելի մասը: Մանկական կարգերում մրցում էին տաղանդավոր երեխաներ, որոնք արդեն իսկ լավ ցուցանիշներ ունեն: Առաջին մրցումային օրն ավարտվեց հետևյալ արդյունքներով.

ԿԻՍԱԵԶՐԱՓԱԿԻՉ

• Pro կարգ- Սաջիդ Խան, Սերգեյ Քեշիշյան
• M1- Վանանդ Տեր- Ավետիսյան, Արմեն Մարկոսյան, Հայկ Միսակյան, Հովհաննես Դավթյան
• Կանանց կարգ- Անի Հարությունյան, Նաիրա Սարգսյան, Արմինե Գրիգորյան, Մերի Ասատրյան
• Մանկական 1-Լևոն Հարությունյան, Էրիկ Ղազարյան, Խաչիկ Հարությունյան, Շուշան Հարությունյան
• Մանկական 2- Իզաբելլա Վարդանյան, Նարեկ Մելքումյան , Գևորգ Գևորգյան, Հայկ Ղազարյան:

Եզարափակիչ մրցումները տեղի ունեցան միջազգային բոլոր չափանիշներին համապատասխանող սքվոշի ապակյա կորտում: Թե’ մարզիկները, և թե’ մյուս բոլոր ներկաները մեծ ոգևորոությամբ հետևում էին ողջ ընթացքին:

Այսպիսով արդյունքները հետևյալն էին.

ԵԶՐԱՓԱԿԻՉ

• Pro կարգ

1-ին տեղ` Սաջիդ Խան

2-րդ տեղ` Սերգեյ Քեշիշյան

3-րդ տեղ` Հայկ Ավետիսյան

• M1 տղամարդկանց կարգ

1-ին տեղ` Վանանդ Տեր- Ավետիսյան

2-րդ տեղ` Հովհաննես Դավթյան

3-րդ տեղ` Հայկ Միսակյան

• Կանանց կարգ

1-ին տեղ` Արմինե Գրիգորյան

2-րդ տեղ` Նաիրա Սարգսյան

3-րդ տեղ` Անի Հարությունյան

• Մանկական 1

1-ին տեղ` Լևոն Հարությունյան

2-րդ տեղ` Էրիկ Ղազարյան

3-րդ տեղ` Խաչիկ Հարությունյան

• Մանակական 2

1-ին տեղ` Գևորգ Գևորգյան

2-րդ տեղ` Իզաբելլա Վարդանյան

3-րդ տեղ` Հայկ Ղազարյան

Շնորհավորում ենք բոլոր մասնակիցներին` մաղթելով առավել մեծ առաջխաղացումներ սքվոշ սպորտաձևում:

՛՛Գրանդ Սպորտ՛՛-ի նոր մասնաշենքի բացումից հետո նորաբաց սպորտային լողավազանում առաջին անգամ տեղի  ունեցավ պատանիների լողի մրցաշարը, որը մեծ ոգևորությամբ համակեց թե՛ կազամկերպիչներին , թե՛ մարզիչներին և թե՛ պատանի լողորդներին:

Երկու օր շարունակ տարբեր տարիքի երեխաներ մրցեցին տարբեր լողաոճերում լավագույնի կոչման համար: Ավարտին տեղի ունեցավ հանդիսավոր պարգևատրումը:

Առաջիկայում ՛՛Գրանդ Սպորտ՛՛-ում կանցկացվի  Հայաստանի լողի առաջնությունը:

Երևանի «Գրանդ Սպորտ» թիմն երկրոդ տարին անընդմեջ սկսել է ելույթները պատանեկան Եվրալիգայի 2-րդ դիվիզիոնում:
Մինչեւ 15 տարեկանների պայքարում Վարդան Խաչատրյանի սաները Էստոնիայի մայրաքաղաք Տալլինում մասնակցել են խմբային մրցաշարի առաջին փուլի հանդիպումներին:
Մեկնարկային խաղում «Գրանդ Սպորտ»-ը 55:52 հաշվով պարտության է մատնել Էստոնիան ներկայացնող «Տալլին Կալև»-ին:
Երկրորդ խաղում «Գրանդ Սպորտ»-ը 52:36 հաշվով հաղթել է ֆիննական ՀՆՄԿՅ-ին:

Երրորդ խաղում հայկական թիմն առաջին պարտությունն է կրել՝ 35:46 հաշվով պարտվելով լատվիական «Էքսպերտ Դիջիթալ»-ին:
Չորորդ մրցավեճում «Գրանդ Սպորտ»-ը 45:58 հաշվով զիջել է ֆիննական «Կարհու»-ին:

Վերջին՝ հինգերորդ խաղում հայ պատանիները 47:66 հաշվով զիջել են բելառուսական «Ցոմկի-Մինսկ»-ին:
Մաղթում ենք բարի վերադարձ մեր թիմին, արդյունավետ պարապմունքներ ու նորանոր հաջողություններ: