՛՛ԳՐԱՆԴ ՍՊՈՐՏ՛՛-ի մարզիկների հաղթանակները լող մարզաձևում
Ապրիլի 8-ին և 9-ին ՛՛DDD՛՛ մարզահամալիրում տեղի ունեցավ լողի բաց առաջնություն, որին մասնակցում էին նաև ՛՛Գրանդ Սպորտ՛՛-ի մարզիկները: Առաջնության մասնակից թիմերը 13-ն էին, մրցում էին 2003-2007թթ. ծնված տարիքային խմբերում, առաջնությանը մասնակցում էին նաև մարզիկներ Վրաստանից:
՛՛Գրանդ Սպորտ՛՛-ի աղջիկների թիմը գրավեց II պատվավոր տեղը ՛՛համալիր փոխանցալող՛՛ լողաոճում, իսկ տղաների թիմը՝ III տեղը նույն լողաոճում:
2003թ. ծնված տարիքային խմբում առավել աչքի ընկան Վարսենիկ Մանուչարյանը և Սքիզաս Տարոնը՝ ՛՛դելֆին՛՛ և ՛՛ազատ ոճ՛՛ լողաոճերում զբաղեցնելով I պատվավոր տեղը:
2007թ. ծնված տարիքային խմբում I տեղը զբաղեցրեցին Դավիթ Մարգարյանը ՛՛բռաս՛՛ լողաոճում, Դայանա Հայրապետյանը՝ ՛՛դելֆին՛՛ լողաոճում:
2005թ. ծնված տարիքային խմբում Մուրադյան Էլենը զբաղեցրեց II տեղը ՛՛դելֆին՛՛ և ՛՛ազատ ոճ՛՛ լողաոճերում: Բոլոր մարզիկները վերադարձան պատվոգրերով և մեդալներով:
Մրցաշարի ընդհանուր արդյունքներով ՛՛Գրանդ Սպորտ՛՛-ի տաղանդավոր և աշխատասեր մարզիկները կարողացան վաստակել 20 մեդալ:
Շնորհակալություն մեր մարզիկներին և նրանց արհեստավարժ մարզիչներին գերազանց արդյունքների համար: Նրանց մաղթում ենք նորանոր հաղթանակներ Ապրիլի 28-30 կայանալիք ՀՀ լողի առաջնությունում, որը կկայանա ՛՛Գրանդ Սպորտ՛՛ մարզաառողջարարական համալիրում:
Մրցաշարին մասնակցեցին՝
- Սարգսյան Սերգեյ
- Մանուչարյան Վարսենիկ
- Մուրադյան Էլեն
- Թումանյան Մանե
- Համամջյան Զարինե
- Հայրապետյան Դայանա
- Սքիզաս Տարոն
- Մխիթարյան Դմիտրի
- Ասրյան Դավիթ
- Տիգրանյան Հայկ
- Շատալով Մաքսիմ
- Աբրահամյան Մելս
- Մելքոնյան Հայկ
- Սամվելյան Արթուր
- Մարգարյան Դավիթ