ՓՈՔՐԻԿ ՖՈՒՏԲՈԼԻՍՏՆԵՐԻ ՄՐՑԱՇԱՐ ”ԳՐԱՆԴ ՍՊՈՐՏ”-ՈՒՄ 05.11.2015
Ավարտվեց ֆուտբոլի մանկական առաջնությունը ”Գրանդ Սպորտ”-ում: Մասնակցում էին 2005-2006թթ. և 2007-2008թթ. ծնված փոքրիկ ֆուտբոլիստները: Մոտ մեկ շաբաթ տևողությամբ մրցաշարի ընթացքում խաղացողները ցուցաբերեցին բարձր առաջադիմություն ու ցուցադրեցին հետաքրքիր ու դիտարժան խաղեր:
Հիանալի առիթ էր, որպեսզի երեխաները ցուցադրեին պարապմունքների ընթացքում սերտած ֆուտբոլային խաղի ողջ տեխնիկան: Թիմերի մարզիչ Դավիթ Նիկոյանը ևս ոգևորված էր և ուրախ: Նա սիրում է ֆուտբոլն ու իր փոքրիկ սաներին, փորձում է դեռ փոքր հասակից խաղացողների մեջ սերմանաել թիմային ոգի, ընկերասիրություն, արդարամտություն: Դավիթը խոստացավ, որ նմանատիպ մրցաշարերը շարունակական բնույթ կկրեն:
Այսպիսով, երկրորդ տեղ գրաված թիմի խաղացողներին տրվեց մասնակցության վկայականներ: Իսկ առաջին պատվավոր տեղի բոլոր խաղացողները շնորհվեցին հաղթական մեդալներով:
«Գրանդ Սպորտ» մարզահամալիրում գործում են ֆուտբոլի, ինչպես նաև այլ սպորտաձևերի խմբակներ: Միացեք մեզ, չէ որ սպորտը առողջ ապրելակերպի գրավականն է:
