Լող

Լողը դինամիկ և բազմակողմանի սպորտաձև է, որը զարգացնում է արագությունը, տոկունությունն ու տեխնիկան։ Այն նպաստում է մկանային համակարգի ամրապնդմանը, սրտանոթային գործունեության բարելավմանը և օգնում է նվազեցնել սթրեսը։

Լողը նաև համարվում է անվտանգ մարզաձև, քանի որ ջրային միջավայրում հոդերի վրա ծանրաբեռնվածությունն էականորեն նվազում է՝ հնարավորություն տալով մարզվել առանց լուրջ վնասվածքների ռիսկի։

Լողը ընդգրկված է Օլիմպիական խաղերի ցանկում և ունի չորս հիմնական մրցակցային ոճեր՝

• Ճակատնալող (կրոլ) – ամենաարագ և լայնորեն կիրառվող ոճը,

• Բրաս (դանդաղ լող) – համաչափ շարժումներով բնութագրվող ոճ,

• Թիթեռալող (բատերֆլայ) – տեխնիկապես բարդ, բայց շատ ազդեցիկ ոճ,

• Թիկնալող – միակ ոճը, որն իրականացվում է մեջքի վրա։

Լողի առավելությունները

• Ուժեղացնում է ամբողջ մարմինը՝ զարգացնելով մկանները և շարժունակությունը
• Բարելավում է շնչառությունը և սրտանոթային համակարգը
• Թեթևացնում է հոդերի ծանրաբեռնվածությունը՝ իդեալական է վնասվածքներից վերականգնվելու համար
• Զարգացնում է տոկունությունը, կենտրոնացվածությունն ու ինքնավստահությունը

Լողի մարզումները Գրանդ Սպորտում

Գրանդ Սպորտում լողը ամենապահանջված մարզաձևերից մեկն է։ Այստեղ գործում են 50 և 25 մետր երկարությամբ լողավազաններ, որտեղ մարզվում են ինչպես սիրողական լողորդներ, այնպես էլ Հայաստանի ազգային հավաքականի մարզիկներ։

Մարզումները վարում են պրոֆեսիոնալ մարզիչներ, ովքեր յուրաքանչյուր մարզիկի ցուցաբերում են անհատական մոտեցում։ Մեր լողային գոտին հարմար է թե՛ սկսնակների, թե՛ մրցակցային մակարդակի լողորդների համար։