Սպորտի վարպետ • 3-րդ դան Ֆուդոկան կարատե • Մագիստրոս • Ֆիզիոթերապիստ • 20+ տարվա փորձ

Լուսինե Ասատրյանը սպորտով սկսել է զբաղվել մանկուց․ մարմնամարզություն՝ 4 տարեկանից, ուշու և լող՝ 6 տարեկանից, կարատե՝ 7 տարեկանից։ Նրա հայրը՝ հնգամարտիկ և սպորտի վարպետ, եղել է գլխավոր ոգեշնչողը։ 2003թ․ Լուսինեն արժանացել է սպորտի վարպետի կոչմանը Ֆուդոկան կարատեում՝ դառնալով նաև բազմակի ՀՀ մրցանակակիր և երեք անգամ՝ Հայաստանի չեմպիոն։

2004-2008 թթ․ սովորել է Ֆիզիկական կուլտուրայի և սպորտի պետական ինստիտուտում՝ ստանալով մագիստրոսի աստիճան։ Ուսումնառության և մասնագիտական գործունեության ընթացքում վերապատրաստվել է ինչպես Հայաստանում, այնպես էլ միջազգային մակարդակով։

Այսօր Լուսինեն ունի հսկայական փորձ՝ որպես ֆիզկուլտուրայի մարզիչ-մանկավարժ և ֆիզիոթերապիստ։ Նրա մոտեցումն ընդգրկում է ոչ միայն մարզական պատրաստվածությունը, այլև առողջության վերականգնումը՝ ապահովելով մարզվողների անվտանգությունն ու կայուն առաջընթացը։